2 лістапада члены клуба "Пошук" Грынкаўскай базавай школы разам з кіраўніком клуба Мацюк Н.М. пабывалі ў 35-ым квартале Белавежскай пушчы, дзе ў гады вайны знаходзіўся лесапільны завод, або тартак. З гэтым месцам звязана трагічная старонка гісторыі. У 1942 годзе тут былі расстраляны 9 мірных жыхароў вёскі Грынкі, якія працавалі на тартаку. Іх імёны былі ўстаноўлены членамі клуба "Пошук" па ўспамінах мясцовых старажылаў. "Пошукаўцы" ўстанавілі ў гэты дзень на месцы расстрэлу памятную таблічку з імёнамі і прозвішчамі загінуўшых і ўшанавалі іх памяць хвілінай маўчання. Захаванне памяці пра вайну - гэта ўклад у мірную будучыню.