29 кастрычніка ў Грынкаўскай базавай школе праводзіўся дзень кнігі. Цікава і пазнавальна прайшла гульня-конкурс "Па старонках беларускіх казак" для вучняў 1-4 класаў. Школьнікі актыўна ўдзельнічалі ў конкурсе "Адгадай казку", якую ім трэба было пазнаць па галоўным героі, па прадмеце, па ілюстрацыі. Добрае веданне казак паказалі, разгадаўшы крыжаванку "Героі беларускіх казак", а творчыя здольнасці і артыстызм праявілі падчас інсцэніроўкі ўрыўкаў з казкі "Кот і Сабака". "Бліц"-конкурс выявіў самых кемлівых і знаходлівых. У час падвядзення вынікаў мерапрыемства былі адзначаны лепшыя знаўцы беларускіх казак: Віннікава Валерыя з 4 класа, Дзюрбаш Ульяна і Паўлючык Паліна з 2 класа і першакласніца Ермаловіч Мілана.