0
17 сакавіка ў рамках інфармацыйна-адукацыйнага праекта “ШАГ” у 9 класе прайшла інфармацыйная гадзіна на тэму “Формы і метады барацьбы падпольшчыкаў”.
У ходзе ШАГа1 вучні 9 класа разам з настаўнікам гісторыі Мацюк Н.М. актуалізавалі веды аб дзейнасці беларускіх падпольшчыкаў. Даведаліся аб тым, што ў падпольнай дзейнасці ў час Вялікай Айчынай вайны ўдзельнічала больш за 70 тысяч беларускіх патрыётаў. Для нелегальнай работы ў тыле ворага засталося 8500 камуністаў, 73 кіруючых камсамольскіх работнікаў. Падпольная барацьба была масавай. Найбольш актыўнай падпольная антыфашысцкая дзейнасць была ў Мінску. Узглаўляў барацьбу супраць акупантаў падпольны гаркам КП(б) Б, якім кіраваў І.К. Кавалёў.
Вучні даведаліся аб вялікай колькасці мінскіх падпольшчыкаў, імёны якіх навечна ўпісаны ў гісторыю. У радах мінскага падполля змагаліся людзі трыццаці нацыянальнасцей, якія здзейснілі звыш 1500 дыверсій, знішчылі некалькі тысяч германскіх салдат, афіцэраў і тых, хто супрацоўнічаў з акупацыйнай уладай.
Пзнаёміліся навучэнцы і з дзейнасцю падпольных арганізацый іншых рэгіёнаў Беларусі ( Віцебск, Орша, Гомель, Магілёў, Гродна і інш.).
Вучні даведаліся пра дзейнасць Веры Харужай, “ Юных мстителей”, Зінаіды Партновай, Ефрасіньі Зяньковай.
Вучні паглыбілі веды пра формы і метады антыфашысцкай барацьбы супраць акупантаў.
У ходзе ШАГа 2 вучні разам з настаўнікам абмяркоўвалі інфармацыю, атрыманую ў ШАГ 1. Навучэнцы выказвалі меркаванні, што дзякуючы падпольнай барацьбе савецкага народа, дыверсіях, антыфашысцкай прапагандзе, нападзеннях на гарнізоны і апорныя пункты; зрывах перавозак нямецкіх войскаў,баявой тэхнікі і зброі, беларускія падпольшчыкі і партызаны аказвалі значную падтрымку і дапамогу савецкім войскам у разгроме гітлераўцаў пад Масквой, у набліжэнні Перамогі.
У ходзе ШАГа 3 “Мы падводзім вынікі” вучні прыйшлі да высновы, што, нягледзячы на цяжкія ўмовы жорсткага акупацыйнага рэжыму, калі смяротная кара чакала кожнага, хто падазраваўся ў супраціўленні ворагу, нягледзячы на арэсты, катаванні, кантрацыйныя лагеры, падпольшчыкі і партызаны не скарыліся. Дзякуючы іх подзвігу і самаахвярнасці мы сёння жывём пад мірным небам.
