У 2020/2021 навучальным годзе ва ўстанове адукацыі ўпершыню за многа гадоў для вучняў 7-9 класаў арганізавана работа гуртка “Шашкі і шахматы” (кіраўнік – настаўнік біялогіі і геаграфіі Барэль С.П.). І гэта зусім не дзіва: уменне гуляць у шашкі і шахматы зноў уваходзіць у моду! Такія гульні дапамагаюць развіваць памяць, каардынацыю, лагічнае мысленне. Гульня ў шахматы пашырае кругагляд, вучыць думаць, быць уважлівым, запамінаць, параўноўваць, абагульняць, прадбачыць вынікі сваёй дзейнасці. Для разумовай працы шахматы і шашкі – тое ж, што і спорт для фізічнага развіцця. У рабят выпрацоўваецца вытрымка, сіла волі, уседлівасць, сабранасць.