26 лютага ў 6 класе адбыўся ўрок па гісторыі Беларусі ( настаўнік Мацюк Н.М.) па тэме “Гаспадарчае развіццё ВКЛ у сярэдзіне 13 – 14 стст”. Урок прайшоў у форме падарожжа на машыне часу ў мінулае. Пропускам у ВКЛ 13-14 стст з’яўляліся дорыя вынікі пры рашэнні онлайн-тэстаў па тэме “Дзяржаўны лад ВКЛ”. Трапіўшы ў 13 стагоддзе, вучні выступалі ў ролі сялян і гараджан, засявалі палі, збіралі ўраджай, займаліся бортніцтвам, знаёміліся з прыладамі працы і іх прызначэннем. Спрабавалі сябе ў ролі рамеснікаў, знаходзілі на гістарычнай карце старажытныя і новыя гарады. Складалі гексы, стваралі лэпбук- самаробную кнігу на новы лад.
На ўроку былі выкарыстаны музейныя экспанаты: церніца, калаўрот, пранік, вілы, лапці, капялюш і іншыя. У час фізкультхвілінкі вучні пад песню “Касіў Ясь канюшыну” іміціравалі працу касцоў і жнеі. У канцы падарожжа дзеці выказалі свае пачуцці, падвялі вынікі зробленай працы на ўроку. Яны вярнуліся ў сучаснае жыццё і прыйшлі да высновы, што ў мінулым людзям жылося вельмі цяжка. Мы шчаслівыя тым, што жывем пад мірным небам у цудоўнай краіне Беларусь.
